Me none |o gavea sempre in scarsea. Nona Maria stava in na casa de campagna con orto, gaine, mascio, cusina e altro da badare e a gavea quasi sempre |a traversa. Gera mejo doparare na traversa che se sporcava, se lavava e cambiava fa§ie, inviense de vestiti che non i gera tanti e bisognava tegnerli da conto.
Nona Angea stava in pia§a, a faxea |a sarta e a gavea a che fare con stofe, signore eleganti e tose puite. In cuxina ghe pensava me nono, dee altre robe de casa se preocupava so|o che |e fu§e fate (da me xia o altre) come ea voea.
Nea scarsea dea traversa o del vestito tute do e gavea el rosario e
tute do almanco na volta al giorno, credo, |o tirava fora e |e dixeva el terseto.
Parché non vegnesse Pippo o parché finisse |a guera o me popà torna§e casa o parché pa§a§e na tempestada o na ma|atia o qualche disgra§ia o pal gusto de dire insieme le ora§ion gera sempre l'ocaxion bona de dire el terseto.
Se a|ora vegneva el coronavirus par prima cosa se saria pensà a un castigo de Dio par qualche ma|e fato. Ancò magari se pensa |o ste§o ma inviense de dire qualche avemaria in più se pensa de sarare |e cese par farghe dispeto.
Par mi par ani rosario corona e terseto gera la ste§a roba.
Ade§o penso che corona o rosario fu§e |a cadenea con 10+1+10+1+10+1+10+1+10 grani, sarà da na medaieta con tacà na cadenea con +1+3+1+grani e 1 crocefisso. I grani gera perle o altre robete tonde o tondete.
Par dire el terseto se recita un Gloria al Padre, un Mistero, un Padre Nostro e 10 Ave Maria, tuto par 5 volte, quanti xe i misteri de un tipo.
Par dire la corona penso se dovesse ripetere la sequen§a per i Misteri Gaudiosi, per i Misteri Dolorosi e per i Misteri Gloriosi. Se no se diseva el ter§eto, cioé un ter§o dea corona. Penso, ma non son sicuro che sia così.
In reltà i misteri i xe "5 della Gioia, 5 della Luce, 5 del Dolore e 5 della Gloria" ma credo de non avere mai sentio "contemplare" quei dea Luce.
E dopo se dixea el Salve Regina e le litanie dea Madona. Le xe tante, ma tutti |e dixeva tutte sen§a saltarghine una. E tute |e ora§ion |e gera in latin, magari non perfettamente dito.
Non me pare che i sia tanti ade§o a dire qualche volta el terseto, gnanca in inglese.
| = l veneta = e o muta
vedere
Tweet
Nessun commento:
Posta un commento